سه‌روكێ شاندێ په‌رله‌مانێ ئه‌وروپا بو عیراقێ پشته‌ڤانیا خو بو هه‌لویستێ سه‌روك بارزانى سه‌باره‌ت ره‌وشا عیراقێ دیاركر

ستراون ستیڤینسن سه‌روكێ شاندێ په‌رله‌مانێ ئه‌وروپا بو عیراقێ سه‌باره‌ت ره‌وشا سیاسى یا عیراقێ په‌یامه‌ك پێشكێشى رێزدار مه‌سعود بارزانى سه‌روكێ هه‌رێما كوردستانێ كر و تێدا پشته‌ڤانیا خو و هه‌ڤالێن خو یا تمام سه‌باره‌ت ره‌وشا عیراقێ گه‌هاندیێ ئه‌ڤه‌ژى ده‌قێ وێیه‌ :
رێزدار مه‌سعود بارزانى هیڤیدارم رێكێ بده‌یه‌ من پشته‌ڤانیا تماما خو و هه‌ڤالێن خو بو هه‌وه‌ رابگه‌هینم ل سه‌ر ره‌وشا سیاسى یا نوكه‌ ل عیراقێ .
ئه‌م ژى وه‌كى ته‌ هزر دكه‌ین ل سه‌ر سه‌متا سیاسى و ره‌وشا نازكا دیموكراسیێ ل عیراقێ ره‌نگه‌ جه‌نابێ ته‌ ئه‌ز دیتبم كو من ئه‌و ئاخفتنێن ل سه‌ر تیله‌فزیونا كوردستان تى ڤى ل حه‌فتیا بوورى دكرن .
هه‌وه‌ به‌رده‌وام دلگرانى یا خو راگه‌هاندیه‌ سه‌باره‌ت ب نه‌بوونا شه‌راكه‌تێ د بریاردانێ دا حه‌سركرنا ده‌ستهه‌لاتان و كونترولكرنا پوستێن گرنگ ژلایێ چه‌ند كه‌سه‌كێن كێم و بكارئینانا سه‌روه‌ت و سامانێن وه‌لاتى بو به‌رژه‌وه‌ندیا كه‌سه‌كى یا گروپه‌كى و هه‌وه‌ هوشدارى دایه‌ ل سه‌ر زڤرینا دیكاتوریه‌تێ بو عیراقێ .
راپورات و ده‌نگ و باسێن ل سه‌ر پێشه‌لكرنا مافێ مروڤێ ده‌ربه‌ده‌ر و ئاواراه‌ جهێ دلگرانیا هژماره‌كا زورا چاڤدێر و په‌رله‌مانێ ئه‌وروپایه‌ , ئه‌م یێن د وێ باوه‌ریێ دا كو جوداكرنا هه‌رسێ ده‌سته‌هه‌لاتان هه‌روه‌سا پشكداریا هه‌مى هێزێن سیاسى د
رێڤه‌برنا وه‌لاتى دا مه‌رجن بو هه‌ڤكارى یا باش دناڤبه‌را ئێكه‌تیا ئه‌ورپا و عیراقێ/ ئه‌م د ئاگه‌هدارین كو هه‌مى هێزێن نشتیمانى و سه‌ربه‌خو ل عیراقێ پشته‌ڤانیا هه‌ولیستێ هه‌وه‌ دكه‌ن و ئه‌و ژى د دلگرانن ژ به‌ره‌ف خراببوونا ره‌وشا سیاسى ل عیراقێ و هه‌روه‌سا نه‌ته‌وێن ئێكگرتى دلگرانیا خو دیار كریه‌ ل سه‌ر به‌رهه‌ڤ نه‌بوونا حكومه‌تا عیراقێ بو رێككه‌فتنێن سیاسى یێن به‌رێ و هوشدارى یا داى كو ئه‌ڤه‌ دێ بیته‌ ئه‌گه‌رێ تێك چوونا دیموكراسیێ ل عیراقێ .
بێ گومان هه‌لویسێ بوێرانه‌ و به‌رپرسانه‌ یێ جه‌نابێ ته‌ روله‌كێ كاریگه‌ر دبینیت بو مسوگه‌ركرنا دیموكراسیێ و رێگرتنێ ژ زڤرینا دكتاتوریه‌تێ ل وه‌لاتێ هه‌وه‌ .
ئه‌م ل په‌رله‌مانێ ئه‌وروپا پشته‌ڤانیا تمام یا هه‌لویستێن به‌رپرسانه‌ و ئاڤاكه‌رێن جه‌نابێ ته‌ دكه‌ین ب هیڤى یا چاڤپێكه‌فتنێ دگه‌ل ته‌ ل بروكسل .
ستراون ستیڤنسن
سه‌روكێ شاندێ په‌رله‌مانێ ئه‌وروپا ل عیراقێ

هه‌می ماف پاراستینه‌. dezgehedelal مافێن چاپێ